Ўзбекистон Республикаси Транспорт вазирлиги

Унда вазирлик марказий аппарати таркибий бўлинмалари, шунингдек, тизим ташкилотлари раҳбар ва масъул ходимлари иштирок этиб, 2026 йилнинг I чорагида коррупцияга қарши курашиш ва унинг олдини олиш бўйича амалга оширилган ишлар ҳамда келгуси устувор вазифалар муҳокама қилинди.

Йиғилиш давомида коррупцияга қарши курашиш соҳасида амалга оширилаётган ишлар таҳлил қилиниб, бу борада профилактик механизмларни янада такомиллаштириш, тизимли коррупциявий ҳолатларнинг олдини олиш, давлат органлари фаолиятида очиқлик сиёсатини изчил давом эттириш зарурлиги алоҳида қайд этилди.

Шунингдек, соҳада рақамли трансформация жараёнларини жадаллаштириш, жумладан, давлат хизматларини рақамлаштириш, сунъий интеллект технологияларини жорий этиш орқали инсон омилини қисқартириш, шаффофликни таъминлаш ва кибержиноятларни олдини олиш масалаларига алоҳида эътибор қаратилди. Бу эса ўз навбатида коррупциявий хавфларни камайтириш ва бошқарув самарадорлигини оширишга хизмат қилиши таъкидланди.

Йиғилишда вазирлик ва тизим ташкилотларида коррупцияга қарши курашишга оид ички идоравий ҳужжатларни мунтазам равишда қайта кўриб чиқиш, уларни амалда қўллаш самарадорлигини ошириш, шунингдек ходимлар ўртасида ҳуқуқий маданиятни юксалтириш муҳимлиги қайд этилди.

Шу билан бирга, амалга оширилаётган ишлар юзасидан мунтазам мониторинг олиб бориш, натижаларни таҳлил қилиш ҳамда масъул раҳбарларнинг шахсий жавобгарлигини ошириш зарурлигига урғу берилди.

Йиғилиш якунида барча тегишли бўлинма ва ташкилотлар раҳбарларига белгиланган вазифалар ижросини сўзсиз таъминлаш, белгиланган муддатларда тегишли ҳисоботларни тақдим этиш ҳамда коррупцияга қарши курашиш бўйича ишларни янада кучайтириш юзасидан аниқ топшириқлар берилди.