Buxoro davlat tibbiyot instituti qoshidagi Turkiya tibbiyot fanlari universiteti fakulteti talabalari uchun Anqarada yozgi amaliyot kurslari tashkil etildi
2024-08-26 14:10:00 / Yangiliklar
Buxoro davlat tibbiyot instituti qoshidagi Turkiya tibbiyot fanlari universiteti fakultetining bir guruh talabalari Anqara shahrida malaka oshirish va yozgi amaliyot kurslarini muvaffaqiyatli yakunladi.
35 kun davom etgan ushbu kurslarda mamlakatimizdan 30 nafarga yaqin bo'lajak shifokorlar qatnashib, o'z tajribalarini oshirdi. Xususan, ular Anqara shahridagi nufuzli tibbiyot muassasalaridan birining xirurgiya, travmatologiya, anesteziologiya, intensiv terapiya bo'limlarida amaliy ko'nikmalarni egalladi.
Amaliyot yakunida Turkiya tibbiyot fanlari universiteti rektori Kamoliddin Aydin hamda mamlakatimiz elchixonasi vakillari ishtirokida talabalarga sertifikatlar topshirildi.