SSV: ko'p tarmoqli tibbiyot muassasalarida ish haqi to'lanadigan internatura tashkil etiladi
2024-04-04 10:20:00 / Yangiliklar
Sog'liqni saqlash vazirining tegishli buyrug'i bilan 2024/2025 o'quv yilidan boshlab tibbiyot oliy ta'lim muassasalarining bitiruvchi kurs talabalari uchun ko'p tarmoqli tibbiyot tashkilotlarida ish haqi to'lanadigan birlamchi maqsadli ixtisoslashtirish kurslari (internatura) tashkil etiladi.
Unga ko'ra, 2024/2025 o'quv yili qabulida hujjat topshiruvchilarga qulaylik yaratish maqsadida ro'yxatdan o'tish jarayoni onlayn tarzda – ta'lim muassasalarining rasmiy veb-saytlari orqali 5-20 avgust kunlari (shu kuni ham) amalga oshiriladi.
2024/2025 o'quv yilida interneturada tahsil olish uchun qabul kvotalari, ixtisosliklar va ta'lim muassasalari ro'yxatlari, o'qish jarayonining boshlanish muddatlari bilan bu erda batafsil tanishib chiqishingiz mumkin.
Sog'liqni saqlash vazirligi
Matbuot xizmati.
