"Kasallik varaqasi"ni onlayn yuklab olish tartibi qanday?
2025-08-04 10:55:00 / Yangiliklar
Xabaringiz bor, o'tgan yildan boshlab yurtimizning barcha hududlarida mehnatga layoqatsizlik varaqalari va ma'lumotnomalarini faqat elektron shaklda rasmiylashtirish amaliyoti yo'lga qo'yilgan.
Shunga muvofiq, tibbiyot muassasalari tomonidan fuqarolarga beriladigan "kasallik varaqasi"ni olish uchun ushbu muassasalarga borish shart emas.
Shunchaki, my.gov.uz portali orqali "Sog'liqni saqlash" bo'limidan kerakli xizmatni tanlab, mehnatga layoqatsizlik varaqasini onlayn yuklab olish kifoya.
Xizmatdan foydalanishda hech qanday hujjat talab etilmaydi. Shuningdek, mutlaqo bepul!
Yuqoridagi videolavha orqali ushbu ma'lumotnomani qanday yuklab olish bo'yicha qo'llanma bilan tanishasiz.
Sog'liqni saqlash vazirligi
Matbuot xizmati.
