"O'zbekistonda allergologik xizmat: muammolar va echimlar" mavzusiga bag'ishlangan tadbir Sog'liqni saqlash vaziri A.Xudayarovning ishtirokchilarga yo'llagan videotabrigi namoyishi bilan boshlandi. 

Qayd etilganidek, davlatimiz rahbari tomonidan 2023 yil 23 noyabrda imzolangan "allergik kasalliklarning oldini olish va davolash sifatini oshirish chora-tadbirlari to'g'risida"gi qaror asosida allergologiya sohasi to'liq transformasiya qilinib, yaxlit vertikal boshqaruv tizimi joriy etildi. 

Xizmat ko'rsatish qamrovi tuman darajasiga tushirildi. Shu tariqa ixtisoslashtirilgan allergologik xizmat aholiga yanada yaqinlashtirildi.

Qisqa qilib aytganda, markaz o'z faoliyatini xalqaro standartlarga uyg'unlashtirishga erishdi. Kuni kecha muassasaga ISO 9001:2015 hamda ISO 7101:2023 xalqaro sifat standartlarini joriy etganligi munosabati bilan maxsus sertifikatlar topshirilgani bunday izlanish va yangilanishlarning yana bir tasdig'i bo'ldi.

Forum davomida erishilgan yutuqlar e'tirof etilishi barobarida, allergologiya sohasiga doir dolzarb masalalar, muammolar va ularning echimlari muhokama etilishi belgilangan.

Sog'liqni saqlash vazirligi
Matbuot xizmati.