Toshkent ShHTning II tibbiyot Kongressi va O'zbekiston kardiologlari anjumaniga mezbonlik qildi
2025-05-06 17:35:00 / Yangiliklar
Forumda 115 dan ortiq xorijiy va 30 nafar mahalliy spiker, shuningdek, 2000 dan ortiq delegat ishtirok etdi. Kongress doirasida yalpi Majlis, ilmiy sektsiya, simpozium, forum va davra suhbatlari tashkil etildi. Ular yuqumli bo'lmagan kasalliklarning oldini olish va davolashdagi dolzarb masalalarga bag'ishlandi.
Muhokamalar chog'ida yurak‑qon tomir patologiyalarini aniqlash va davolashdagi innovasiyalar, raqamli texnologiyalar, tibbiy turizm va xalqaro hamkorlik masallariga alohida e'tibor qaratildi.
Kardioxirurgiya va interventsion kardiologiyadagi innovasiyalar, tibbiyotda sun'iy intellekt va genetika, tibbiy ta'limni rivojlantirish, ilmiy loyihalar hamda transchegaraviy hamkorlik kabi mavzular ko'rib chiqildi. Bu borada taniqli kardiolog, akademik va professorlarning ma'ruzalari tinglandi.
Kongress nihoyasida yakuniy bayonot (kommyunike) qabul qilindi va etakchi tibbiyot muassasalari bilan hamkorlik to'g'risida qator memorandumlar imzolandi.
Sog'liqni saqlash vazirligi
Matbuot xizmati.