Poytaxtimizda pediatrlarning II xalqaro Kongressi bo'lib o'tmoqda.
2025-05-06 11:20:00 / Yangiliklar
"Chegarasiz pediatriya — 2025" deb nomlangan Kongressda mamlakatimiz vakillaridan tashqari, Rossiya, Turkiya, Ozarbayjon, Belarus, Ukraina, Qozog'iston, Qirg'iziston, Tojikiston kabi 10 ga yaqin davlatdan qariyb 60 nafar soha olimlari, mutaxassis va ekspertlar ishtirok etmoqda.
Anjuman davomida O'zbekistonda bolalar salomatligini muhofaza qilish sohasida erishilgan natijalar muhokama qilinib, kelgusidagi istiqbolli rejalar belgilab olinadi.
Xususan, tadbir doirasida pediatriya, neonatologiya, kardiojarrohlikning ustuvor yo'nalishlari bo'yicha sektsiya yig'ilishlari, taqdimot va mahorat darslari o'tkazilishi rejalashtirilgan.
Shuningdek, oziq-ovqat allergiyasi, uning molekulyar diagnostikasida zamonaviy yondashuvlar va innovasiyalar, maktab yoshidagi o'g'il-qizlarning xulqi hamda salomatlik holatiga oid qator mavzularda davra suhbatlari tashkil etilishi belgilangan.
Sog'liqni saqlash vazirligi
Matbuot xizmati.