Bu erga kelganlar — turfa qismat egalari
2025-04-25 16:50:00 / Yangiliklar
Bu erga kelganlar — turfa qismat egalari. Kimdir yurishga qiynaladi, boshqasining yuragi, buyragi yoki jigari xasta. Yana ba'zilar tug'ma nuqsoni bor jigarbandi tuzalishidan umidvor. Barchasi — davlatimiz ko'magiga muhtoj.
Sog'liqni saqlash vazirligi tomonidan ana shunday bemorlarga tezkor va manzilli yordam ko'rsatish maqsadida yurtimiz bo'ylab "sog'lomlashtirish oyligi"ga start berildi.
"Bor mehrimiz shu Vatan, shu xalq uchun!"shiori ostidagi ushbu aktsiya doirasida bugun Qibray tuman ko'p tarmoqli Markaziy poliklinikasida ham ijtimoiy himoyaga muhtoj, kambag'allik reestriga kiritilgan aholi vakillari uchun tibbiy ko'rik tashkil etildi. To'shakka mixlanib qolgan bemorlar esa maxsus mobil brigadalar tomonidan uy sharoitida tekshiruvdan o'tkazildi.
SSV matbuot xizmati tomonidan bu haqda tayyorlangan videomaterial yaqin vaqtlarda e'tiboringizga havola etiladi.
Sog'liqni saqlash vazirligi
Matbuot xizmati.
