Sog'liqni saqlash vazirligining 2023 yil sarhisobi
2023-12-21 12:40:00 / Yangiliklar
Yanvar
Yanvar oyi boshida Prezidentimizning Oliy Majlisga murojaatnomasida qayd etilgan tibbiyot sohasidagi islohotlar va ularni amalga oshirish mexanizmlari atroflicha muhokama qilinib, zarur vazifalar belgilab olindi.
Seul shahrida Toshkent tibbiyot akademiyasining rasmiy vakolatxonasi ochildi.
Namanganda Respublika ko'z mikroxirurgiyasi markazi filiali ish boshladi.
O'zbekiston Sog'liqni saqlash vaziri Amrillo Inoyatov Turkiyaning mamlakatimizdagi Favqulodda va Muxtor elchisi janob olgan bekar boshchiligidagi delegasiya bilan uchrashuv o'tkazdi. Turkiyaning sog'lik bilimlari universiteti rektori Javdat Erdol bilan manfaatli kelishuvlarga erishildi.
O'zbekiston — Singapur biznes-forumida Nanyan texnologiya universiteti bilan yurtimizdagi davolash-profilaktika muassasalari xodimlari soha boshqaruvi, tibbiyot injeneriyasi, tizimda axborot texnologiyalari, davlat-xususiy sheriklikni rivojlantirish yo'nalishlari bo'yicha hamkorlik bitimi imzolandi.
Tibbiyot tarixida ilk bor o'zbek shifokorlari tomonidan Siam egizaklari o'ta noyob operasiya natijasida ajratib olindi.
Sog'liqni saqlash vaziri Amrillo Inoyatov Yaponiyaning O'zbekistondagi Favqulodda va Muxtor elchisi Takashi xatori bilan muloqot o'tkazib, unda bir necha tibbiyot muassasasida yapon menejmentini joriy etish masalasi muhokama qilindi.
"Odamning immunitet tanqisligi virusi keltirib chiqaradigan kasallikka qarshi kurashish tizimini yanada kuchaytirish chora-tadbirlari to'g'risida"gi Prezident qarori qabul qilindi.
1 yanvardan Toshkent shahrida tug'ilganlikni tibbiyot muassasalari orqali FHDYO bo'limlarida qayd etish tartibi joriy etildi.
"2023-2026 yillarda ftiziatriya va pulmonologiya xizmatini yanada rivojlantirishga qaratilgan chora-tadbirlar to'g'risida"gi Prezident qarori qabul qilindi.
Respublika tez tibbiy yordam markazi avtoparki 110 ta "Volkswagen Caddy" rusumli tez tibbiy yordam mashinalari bilan boyidi.
Respublika shoshilinch tibbiy yordam ilmiy markazi Buxoro filiali vakillari va Rossiyadan kelgan etakchi mutaxassislar ishtirokida Vobkent tumanlararo qo'shma shikastlanishlar va o'tkir qon-tomir kasalliklari markazida mingga yaqin ehtiyojmand aholi vakillari bepul tibbiy ko'rikdan o'tkazildi.
Sog'liqni saqlash vazirligi
Matbuot xizmati.