Yurtimizga mashhur plastik jarroh, doktor Hasan Baiev tug'ma tanglay va lab kemtigi bo'lgan bolalarda bepul jarrohlik amaliyotlarini...
2023-12-07 15:15:00 / Yangiliklar
Yurtimizga mashhur plastik jarroh, doktor Hasan Baiev tug'ma tanglay va lab kemtigi bo'lgan bolalarda bepul jarrohlik amaliyotlarini bajarish maqsadida tibbiy ko'rik o'tkazish uchun tashrif buyurdi.
40 yillik tajribaga ega rossiyalik va amerikalik plastik jarroh turli yillarda AQSh, Yaponiya va Angliyada yil odami deb tan olingan mashhur shifokor 20 yildan buyon xayriya ishlari bilan shug'ullanib keladi. Ushbu davr mobaynida u 2000 nafarga yaqin bolalarda bepul jarrohlik amaliyotlarini bajardi.
Poytaxtimizdagi bolalar milliy tibbiyot markazida o'tkazilayotgan mazkur aktsiya avvalida Sog'liqni saqlash vaziri Amrillo Inoyatov, doktor Hasan Baiev va markaz rahbariyati ishtirokida bemorlarning ota-onalari bilan uchrashuv bo'lib o'tdi.
SSV matbuot xizmatining yuqoridagi videolavhasi orqali uchrashuv va tibbiy ko'rik jarayonlari haqida ma'lumot olishingiz mumkin.
Sog'liqni saqlash vazirligi
Matbuot xizmati.
