O‘zbеkistоn Rеspublikаsi Sоg‘liqni saqlash vаzirligi

Markaz davlat unitar korxonasi bo'lgani sababli maslahat va tibbiy tekshiruv narxlari Sog'liqni saqlash vazirligi hamda Toshkent shahar sog'liqni saqlash bosh boshqarmasi tomonidan belgilab berilgan me'yordan oshmaydi. 

 — Muassasamizdagi zamonaviy laboratoriyalarda topshirilgan tibbiy tahlil natijalarini shu kunning o'zidayoq olish mumkin, — deydi markaz direktori, tibbiyot fanlari doktori Orifjon Aripov. — Hozir markazda yuqori ilmiy salohiyatga ega tibbiyot fanlari doktorlari, tibbiyot fanlari nomzodlari va oliy toifali shifokorlardan iborat 45 nafar malakali tibbiy xodim faoliyat yuritmoqda. Bir qancha mutaxassislarimiz xorijiy davlatlarda malaka oshirib qaytgan.

Ayni paytda bemorlarning talab va ehtiyojlaridan kelib chiqqan holda markazimizga yangi yo'nalishlar bo'yicha malakali shifokorlar va analizator qurilmalari olib kelyapmiz.

Diagnostika markazida birgina qon tahlilidan bir necha tekshiruvlarni o'tkazish imkoni mavjud. 

Xususan, gematologik tahlillar:

 "Mindray vs – 6800", "Mindray vs – 120", "Mindray vs – 5800", "Mindray vs – 3000" va "Mindray vs – 20S" avtomat analizatorilarida tekshiriladi.

Qon tarkibidagi vitaminlar, gormonlar, onkomarkerlar, ayrim tipdagi virus antitanalari:

 "Mindray SL – 6000i" , "SNIBE MAGLUMI X3", "SNIBE MAGLUMI X8" va "ROCHE Cobas e411" avtomat analizatorlarida tekshiriladi. 

Biokimyoviy tahlillar:

  "Mindray BS – 2000", "Mindray BS – 200", "SNIBE BIOSSAYS – 240 Plus" avtomat analizatorlarida tekshiriladi.

Qon ivish tizimi faoliyatida ishtirok etuvchi parametrlar tahlillar:
 "Mindray S 3100" hamda "HumaClot Pro" avtomat analizatorlarida tekshiriladi.

Qon tarkibidagi mikroelementlar miqdori:

  "HumaLyte Plus 5" zamonaviy elektrolit analizatorida tekshiriladi.

Immunoferment tekshiruvlari: 

 "MR-96" IFA analizatorida tekshiriladi.

Polimer zanjir reaktsiyasiga asoslangan tahlillar: 

 "GENTIER 96" analizatorlarida tekshiriladi.

Mazkur texnologiyalar yordamida qisqa vaqt ichida ko'plab biologik namunalarda tekshiruvlar o'tkazish mumkin. Zamon talablariga javob beradigan bakteriologik laboratoriyada kasallik qo'zg'atuvchilarning turlari va ularning antibiotiklarga sezgirligi aniqlanadi. 

Evropa va Osiyoning rivojlangan davlatlaridan keltirilgan qurilmalar tekshiruvlarni inson omili ishtirokisiz, avtomatik shaklda olib borishga, natijalarning aniq va tezkor ravishda chiqishiga zamin yaratadi.

Markazda, shuningdek Germaniyaning "Ѕіemepѕ" kompaniyasi tomonidan ishlab chiqilgan multispiral kompyuter tomografiyasi (MSKT) yordamida yuqori aniqlikdagi tekshiruvlar ham yo'lga qo'yilgan. 

MSKT xulosasi rentgen, ultratovush va ba'zi hollarda magnit-rezonans tomografiya usullaridan keyin ichki a'zolarni, skelet tizimi o'zgarishlarini, bosh va umurtqa pog'onasi shikastlanishlarini vizualizasiya qilishning qo'shimcha usuli sifatida qo'llaniladi. Bu xulosalar bemorlarga aniq tashxis qo'yishda katta yordam beradi. 

Ultratovush tekshiruv usullari va endoskopik tekshiruvlar zamonaviy tibbiy jihozlarda malakali shifokorlar tomonidan o'tkaziladi.

Diagnostika markazida ro'yxatga olish jarayonlari to'liq raqamlashtirilgan. Bu esa bemorlarning uzundan uzoq navbatda turish yoki ortiqcha qog'ozbozliklar uchun vaqt sarflashining oldini oladi.

Sog'liqni saqlash vazirligi 
Matbuot xizmati.