Milliy tibbiyotimizdagi yutuqlarning xalqaro e'tirofi
2024-12-14 16:15:00 / Yangiliklar
Mamlakatimizning mazkur davlatdagi elchixonasi bilan hamkorlikda tashkil etilgan tadbir doirasida jahon tamadduniga beqiyos hissa qo'shgan buyuk ajdodlarimizning ilmiy, madaniy va ma'naviy merosi hamda yurtimizda amalga oshirilayotgan islohotlar va ularning natijalari, jumladan, mamlakatimiz tibbiyotidagi yangilanishlar namoyish etildi.
O'zbekiston sog'liqni saqlash tizimidagi islohotlar jarayonida Toshkent pediatriya tibbiyot institutining ham salmoqli hissasi bor. Ushbu oliy ta'lim muassasasi o'zining 50 yillik tarixi davomida salmoqli natijalarga erishdi.
Bu erda ta'lim jarayoni bakalavriatning 7 ta ta'lim yo'nalishi, magistraturaning 35 ta mutaxassisligi va klinik ordinaturaning 29 ta yo'nalishi bo'yicha 7 ta fakultet hamda 40 ta kafedrada amalga oshirilmoqda.
Institutda Sankt-Peterburg davlat pediatriya tibbiyot universiteti bilan birgalikda xalqaro fakultet ham tashkil etilgan bo'lib, unda qo'shma ta'lim dasturlari asosida kadrlar tayyorlab kelinayotir.
Muassasa infratuzilmasi "kampus" shakliga keltirilgan bo'lib, uning tarkibida o'quv binolari, axborot-resurs markazi, simulyasiya o'quv markazi, o'quv va ilmiy laboratoriyalar hamda sport majmuasi, talabalar oshxonasi va yotoqxonalari, klinika hamda akademik lisey mavjud.
Institutning xalqaro faoliyati tahsinga loyiq. Ya'ni 30 ta davlatning 100 dan ziyod ta'lim va ilmiy muassasalari bilan shartnomalar va hamkorlik to'g'risidagi kelishuvlar imzolagan.
Bundan tashqari, o'quv yurtida ta'lim jarayonini raqamlashtirish bo'yicha amaliy ishlar olib borilmoqda. Misol uchun, institut "aqlli universitet" (SMART UNIVERSITY) kontsepsiyasiga o'tgan bo'lib, o'z videokonferentsaloqa tizimi va media veb-portaliga ega, o'quv jarayonlarida esa virtual reallik elementlari hamda golografik texnologiyalar keng qo'llanib kelinmoqda.
Toshkent pediatriya tibbiyot instituti "Times Higher Education" xalqaro reyting agentligining xulosasiga ko'ra, dunyoning top-1000 universitetlari reytingida "reportyor" maqomida o'rin egallagani ham, shubhasiz, sohada olib borilayotgan islohotlarning hayotiy natijasi va xalqaro e'tirofidir.
Sog'liqni saqlash vazirligi
Matbuot xizmati.