Poytaxtimizda Toshkent pediatriya tibbiyot instituti hamda "Science and innovation" xalqaro ilmiy jurnali bilan hamkorlikda bolalar allergologlarining uchinchi xalqaro ilmiy-amaliy anjumani o'tkazilmoqda
2024-11-22 11:20:00 / Yangiliklar
"Bolalarda allergik kasalliklar: fanlararo masalalar va kompleks echimlar" mavzusiga bag'ishlangan ushbu tadbirda mamlakatimiz mutaxassislaridan tashqari Rossiya, Turkiya, Gruziya kabi qator xorijiy davlatlardan olimlar, ekspertlar ishtirok etyapti.
Tadbirda so'zga chiqqan Sog'liqni saqlash vaziri o'rinbosari E.Basitxanova hamda boshqalar tomonidan qayd etganidek, ushbu anjuman bolalarda allergik kasalliklarni aniqlash, oldini olish, davolash bo'yicha ilg'or yondashuvlarni o'rganish hamda amaliyotga tatbiq etish borasida platforma vazifasini o'taydi.
Xalqaro anjuman ertaga ham o'z ishini davom ettiradi. Kun tartibidan ushbu soha bo'yicha mamlakatimiz hamda chet ellik olimlarining ma'ruzalari o'rin olgan.
Sog'liqni saqlash vazirligi
Matbuot xizmati.