Tibbiyot xodimlari kuni munosabati bilan davlatimiz rahbarining tegishli farmoni asosida bir guruh sog'liqni saqlash tizimi xodimlari mukofotlandi
2024-11-09 14:10:00 / Yangiliklar
Tadbirda poytaxtimizdagi tibbiyot muassasalaridan ana shu yuksak davlat mukofotlariga sazovor bo'lgan bir guruh soha fidoyilariga orden va medallar Sog'liqni saqlash vaziri vazifasini bajaruvchi Asilbek Xudayarov hamda Toshkent shahri hokimi Shavkat Umurzoqov tomonidan tantanali ravishda topshirildi.
O'z navbatida, vazir soha xodimlarini kasb bayrami bilan samimiy qutladi.
Shundan so'ng sog'lom turmush tarzini keng targ'ib qilish, aholining tibbiy madaniyatini oshirishga munosib hissa qo'shgan, xalqimiz salomatligini mustahkamlashda shaxsiy namuna ko'rsatgan tibbiyot xodimlari va jamoatchilik vakillari uchun ta'sis etilgan hamda bu yil birinchi marta berilayotgan "Xalq salomatligi posboni" ko'krak nishoni bilan 14 nafar nomzod taqdirlandi.
Sog'liqni saqlash vazirligi
Matbuot xizmati.
