Sog'liqni saqlash vazirligining tegishli buyrug'i bilan Oltiev Elyor Doniyorovich Buxoro viloyati sog'liqni saqlash boshqarmasi boshlig'i...
2024-10-25 11:00:00 / Yangiliklar
E. Oltiev 2011 yil Toshkent pediatriya tibbiyot institutining bakalavriat bosqichini, 2017 yil Buxoro davlat tibbiyot institutining klinik ordinaturasini tamomlagan. Mehnat faoliyatini birlamchi tibbiy-sanitariya yordami muassasasida boshlagan.
Turli yillarda Buxoro viloyati sog'liqni saqlash boshqarmasida bosh mutaxassis, bo'lim boshlig'i, Kogon shahar va Qorako'l tuman tibbiyot birlashmalari boshlig'i, shuningdek bolalar milliy tibbiyot markazi direktorining hududlar bilan ishlash bo'yicha o'rinbosari, Sog'liqni saqlash vazirligida boshqarma boshlig'i o'rinbosari, bo'lim boshlig'i kabi qator mas'ul lavozimlarda ishlagan.
Tayinlovga qadar E. Oltiev Milliy tibbiyot markazi direktorining hududlar bilan ishlash bo'yicha o'rinbosari sifatida faoliyat ko'rsatib kelayotgan edi.
Sog'liqni saqlash vazirligi
Matbuot xizmati.