Tibbiyot tashkilotlarini lisenziyalash va akkreditasiyalash markazi vazifalari belgilandi
2024-07-25 15:35:00 / Yangiliklar
Ma'lumki, Prezidentimizning 2023 yil 20 iyundagi tegishli qarori ijrosi doirasida Sog'liqni saqlash vazirligining lisenziyalash va akkreditasiyalash boshqarmasi negizida tibbiy faoliyatni lisenziyalash va nodavlat tibbiyot tashkilotlarini akkreditasiyalash funktsiyalarini amalga oshiruvchi davlat muassasasi shaklidagi tibbiyot tashkilotlarini lisenziyalash va akkreditasiyalash markazi tashkil etilgan edi.
Hukumat qarori bilan ushbu Markazning asosiy vazifalari belgilandi. Ular quyidagilardan iborat:
tibbiyot tashkilotlarini lisenziyalash va akkreditasiyalashni ta'minlash;
tibbiyot tashkilotlarini lisenziyalash va akkreditasiyalashda ilg'or xalqaro tajribaga asoslangan talablarni ishlab chiqish;
lisenziatlarning tibbiy xizmatlar sifati, lisenziya talab va shartlari nazoratini amalga oshirish;
tibbiyotning nodavlat sektorini davlat tomonidan qo'llab-kuvvatlashning zamonaviy mexanizmlarini hamda ularni barqaror rivojlantirish strategiyasini ishlab chiqish;
nodavlat tibbiyot tashkilotlarini xalqaro tan olingan
akkreditasiyalashda qatnashish va ularni qo'llab-quvvatlash;
xalqaro tan olingan akkreditasiya tashkilotlarini jalb qilish orqali mahalliy tibbiy xizmatlar sifatini oshirish va "xavfsiz tibbiyot" standartlarini joriy qilish;
tibbiyot tashkilotlarini akkreditasiyalashning milliy tizimini joriy etish.
Sog'liqni saqlash vazirligi
Matbuot xizmati.