SSV: O'zbekiston vakili GHWP'ning regulyator organlari bo'yicha rais o'rinbosari lavozimiga saylandi
2025-12-05 14:10:00 / Yangiliklar
Ushbu yirik xalqaro tadbirda O'zbekiston Sog'liqni saqlash vazirligi huzuridagi Farmasevtika mahsulotlari xavfsizligi markazi direktori Alisher Temirov ham ishtirok etdi.
Anjumanda tibbiy jihozlarni tartibga solishning yangi global standartlari, ro'yxatdan o'tkazish va sertifikatlash tartiblarini takomillashtirish, bozor nazoratini samarali tashkil etish va texnik reglamentlarni uyg'unlashtirish kabi strategik masalalar muhokama qilindi.
E'tiborlisi, Ghwpning yangi rahbariyatini shakllantirish jarayonida markaz direktori A.Temirov mazkur ishchi guruhning regulyator organlari bo'yicha rais o'rinbosari lavozimiga ko'rsatilib, bir ovozdan ma'qullandi.
Bu O'zbekistonning davlatimiz rahbari boshchiligida tibbiyot sohasida amalga oshirayotgan islohotlari xalqaro hamjamiyat tomonidan tan olinayotgani tasdig'idir.
Shuningdek, anjumanda 2026 yili bo'lib o'tadigan GHWP texnik qo'mita rahbarlari yig'ilishiga mezbonlik masalasi ko'rib chiqildi. Muloqot yakunida ushbu nufuzli tadbirni Toshkent shahrida o'tkazish bo'yicha kelishuvga erishildi.
Eslatib o'tamiz, GHWP — tibbiy jihozlarni ro'yxatdan o'tkazish, xavfni baholash, sertifikatlash, bozor nazorati va sifat menejmenti bo'yicha yagona global yondashuvlarni shakllantiruvchi nufuzli platforma.
Uning tarkibiga Yaponiya, Janubiy Koreya, Xitoy, Singapur, Malayziya kabi 30 dan ortiq mamlakatlar kiradi. O'zbekiston 2024 yilda Kuala-Lumpurda o'tkazilgan anjumanda tashkilotning to'laqonli a'zosi etib qabul qilingan.
Sog'liqni saqlash vazirligi
Matbuot xizmati.