Navbatdagi apparat yig‘ilishi o‘tkazildi
2026-03-03 13:00:00 / Yangiliklar
Davlatimiz Rahbarining shu yil 11 fevraldagi PQ-58-sonli qarorida 2026 yilda viloyatga xorijiy turistlar oqimini 600 ming nafarga, mahalliy sayyohlar sonini 3 mln nafarga yetkazish, 14 ta yangi joylashtirish vositalari, 4 ta turistik tashkilot, 2 ta turizm mahallasi faoliyatini yo‘lga qo‘yish belgilangan.
Shuningdek, Konimex tumanidagi Yangiqazg‘an ovuli hamda Nurota tumanidagi Kichiksoy va Mushkan qishloqlarini turizm sohasiga ixtisoslashtirib “Turizm qishloqlari”ga aylantirish, Xatirchi tumanida joylashgan Langar va Angidon qishloqlarida turizm va xizmat ko‘rsatish loyihalarini amalga oshirish vazifalari ham belgilab berilgan.
Viloyatda turizm sohasini jadal rivojlantirish, belgilangan vazifalar ijrosini so‘zsiz ta’minlash hamda mavjud kamchiliklarni bartaraf etish maqsadida zarur chora-tadbirlar amalga oshirilishi bo‘yicha ko‘rsatma berildi.
Shuningdek, qishloq xo‘jaligi yo‘nalishida kartoshka ekish ishlarining borishi, chigit ekishga tayyorgarlik holati muhokama etildi.