Yevropa Ittifoqining O‘zbekistondagi Elchisi bilan uchrashuv
2025-09-08 12:05:00 / Yangiliklar va voqealar
2025-yil 8-sentabr kuni O‘zbekiston Respublikasi Prezidentining Afg‘oniston bo‘yicha Maxsus vakili Ismatulla Irgashev Yevropa Ittifoqining O‘zbekistondagi Elchisi Toyvo Klaar bilan uchrashuv o‘tkazdi.
Muzokaralar davomida tomonlar Afg‘oniston bo‘yicha ikki tomonlama hamkorlikning joriy holati yuzasidan fikr almashdilar. Afg‘on muammosini hal etish bo‘yicha muntazam muloqotni davom ettirishdan har ikki tomon ham manfaatdor ekanligi ta’kidlandi.
Uchrashuv ijobiy ruhda o‘tdi va Toshkent hamda Bryussel o‘rtasidagi amaliy muloqotni yanada rivojlantirishga bo‘lgan o‘zaro qiziqishni tasdiqladi.