Turkiyaning elchisi bilan uchrashuv to‘g‘risida
2025-07-31 09:00:00 / Yangiliklar va voqealar
30-iyul kuni O‘zbekiston Respublikasi Prezidentining Afg‘oniston bo‘yicha Maxsus vakili Ismatulla Irgashev Turkiya Respublikasining O‘zbekistondagi Favqulodda va Muxtor Elchisi Ufuk Ulutash bilan uchrashdi.
Muzokaralar davomida Afg‘oniston yo‘nalishidagi ikki tomonlama hamkorlikning dolzarb masalalari, shuningdek, mintaqaviy barqarorlik va xavfsizlik masalalari muhokama qilindi.
Tomonlar O‘zbekiston va Turkiya o‘rtasida tizimli va konstruktiv muloqotni davom ettirishga o‘zaro qiziqish bildirdilar hamda muntazam maslahatlashuvlarni qo‘llab-quvvatlashga kelishib oldilar.