Fransiyaning Yevropa va tashqi ishlar vazirligi Bosh kotibi bilan uchrashuv
2025-05-19 11:05:00 / Yangiliklar va voqealar
2025-yilning 19-may kuni Toshkent shahrida O‘zbekiston tashqi ishlar vazirining birinchi o‘rinbosari Bahromjon A’loyev va Fransiya Tashqi ishlar vazirligi Bosh kotibi Ann-Mari Deko o‘rtasida uchrashuv bo‘lib o‘tdi. O‘zbekiston-Fransiya hamkorligining dolzarb masalalari, jumladan, O‘zbekiston Prezidentining Fransiyaga davlat tashrifi chog‘ida erishilgan kelishuvlarni amalga oshirish jarayoni muhokama qilindi.
Savdo-iqtisodiy aloqalar, energetika, transport, strategik mineral resurslar va qayta tiklanadigan energetika sohalaridagi investisiya loyihalariga alohida e’tibor qaratilmoqda. Taʼlim, sogʻliqni saqlash, madaniyat va turizm sohalarida gumanitar hamkorlik istiqbollari muhokama qilindi.