Litsenziya olish uchun zarur bo'lgan hujjatlar:

1. ariza;
2. arizada quyidagi maʼlumotlar ko'rsatiladi: yuridik shaxsning nomi va tashkiliy-huquqiy shakli, uning pochta manzili, faoliyatni amalga oshirish joyi, bank muassasasining nomi va bank hisobvarag'i, telefon raqami, STIR, elektron pochta manzili (agar mavjud bo'lsa), litsenziya toifalari bo'yicha tanlash, ariza to'ldirish sababi (yangi litsenziya olish, qayta rasmiylashtirish), litsenziya talabgorining litsenziya talablari va shartlariga rioya qilishga roziligi;
3. xavfi yuqori bo'lgan obʼektlarni hamda potensial xavfli ishlab chiqarishlarni loyihalashtirish, qurish va ulardan foydalanish bilan shug'ullanuvchi xodimlar ro'yxati, unda ularning egallab turgan lavozimlari, maʼlumoti bo'yicha mutaxassisligi va mutaxassisligi bo'yicha ish staji, loyihalashtirishda ushbu xodimlar qatnashgan asosiy obʼektlar ro'yxati ko'rsatiladi;
4. xavfi yuqori bo'lgan obʼektlarni va potensial xavfli ishlab chiqarishlarni loyihalashtirish, qurish va ulardan foydalanish uchun zarur bo'lgan texnika vositalarining tavsifi.

Litsenziya talablari va shartlari:

• shaharsozlik, mehnatni muhofaza qilish, tabiatni muhofaza qilish, yer osti boyliklari to'g'risidagi qonunchilik hujjatlari, tegishli davlat standartlari, shaharsozlik normalari va qoidalari talablariga majburiy rioya etish
• yuridik shaxs shtatida tegishli maxsus kasb maʼlumotiga, litsenziyalanadigan faoliyat bo'yicha kamida besh yil ish stajiga ega bo'lgan mutaxassisning (muhandislik malaka sertifikatga ega bo'lgan loyihaning bosh muhandislari va bosh arxitektorlari, konstruktorlar, texnologlar) va muhandislik asbob-uskunalari, tarmoqlar va tizimlarning mavjud bo'lishi.

  Litsenziyalovchi organ: Qurilish va uy-joy kommunal xo'jaligi vazirligi

  Xizmatdan foydalanuvchilar: Yuridik shaxslar

  Litsenziya davomiyligi: cheklanmagan

Meʼyoriy hujjatga havola: https://lex.uz/uz/docs/-5870213