Fuqarolarning davlat axborotiga ega bo‘lish huquqi O‘zbekiston Respublikasining amaldagi qonun hujjatlari bilan mustahkamlangan. Ushbu huquqning normativ-huquqiy asosini quyidagi hujjatlar tashkil etadi:

O‘zbekiston Respublikasi Konstitutsiyasi;

“Ommaviy axborot vositalari to‘g‘risida”gi Qonun;

“Axborot erkinligi prinsiplari va kafolatlari to‘g‘risida”gi Qonun;

“Axborot olish kafolatlari va erkinligi to‘g‘risida”gi Qonun;

O‘zbekiston Respublikasi Prezidentining Ommaviy axborot vositalari mustaqilligini taʼminlash hamda davlat organlari va tashkilotlari axborot xizmatlari faoliyatini rivojlantirish boʻyicha qoʻshimcha chora-tadbirlar toʻgʻrisida”gi qarori.

  Mazkur hujjatlar fuqarolarning axborot olish erkinligini ta’minlash va davlat organlari faoliyati ochiqligini oshirishga xizmat qiladi.

  Fuqarolar davlat axborot resurslaridan quyidagi shakllarda foydalanishlari mumkin:

• rasmiy veb-saytlar orqali;
• yozma yoki elektron so‘rov yuborish orqali;
• ochiq ma’lumotlar portalidan (data.egov.uz).

   Davlat organlari fuqarolarga ochiq va ishonchli ma’lumotlarni taqdim etish, so‘rovlar asosida axborot berish, hamda rasmiy veb-saytlarda yangilanib boruvchi ma’lumotlarni joylashtirish majburiyatiga ega.