O‘zbekiston va Yaponiya o‘rtasida seysmik chidamli qurilish sohasidagi hamkorlik istiqbollari muhokama qilindi
2026-10-23 16:30:00 / Vazirlik yangiliklar
Qurilish va uy-joy kommunal xo‘jaligi vazirligi mas’ullari Yaponiyaning Yer, infratuzilma, transport va turizm vazirligi (MLIT) delegatsiyasi bilan uchrashuv o‘tkazdi.
Muloqot davomida shaharsozlik va arxitektura sohalarida ikki davlat o‘rtasidagi hamkorlikni rivojlantirish, xususan, seysmik chidamli binolarni loyihalash va qurish yo‘nalishida Yaponiya tajribasini o‘rganish hamda amaliyotga joriy etish masalalari muhokama qilindi.
Shuningdek, delegatsiya tarkibida tashrif buyurgan Yaponiyaning Nippon Koei Co., Ltd. kompaniyasi vakillari seysmik mustahkamlash yo‘nalishida yapon tajribasi asosida hamkorlikni yo‘lga qo‘yish bo‘yicha o‘z takliflarini taqdim etdilar.
Uchrashuv yakunida tomonlar o‘zaro manfaatli hamkorlikni kengaytirish, istiqbolli yo‘nalishlarni belgilash va kelishilgan tashabbuslarni bosqichma-bosqich amalga oshirish bo‘yicha ishlarni davom ettirishga kelishib oldilar.