Toshkentdagi noqonuniy ko‘p qavatli uylar soni yuzasidan rasmiy tushuntirish
2026-10-22 21:00:00 / Rasmiy munosabat
Oliy Majlis Qonunchilik palatasidagi muhokama davomida Qurilish va uy-joy kommunal xo‘jaligi vazirining javobida Toshkent shahridagi noqonuniy qurilgan ko‘p qavatli uylar soni 720 ta deb keltirilgan. Ushbu ma’lumot yuzasidan quyidagilarni ma’lum qilamiz:
Toshkent shahrida jami 320 dan ortiq noqonuniy qurilish obyekti aniqlangan. Mazkur ko‘rsatkich turli toifadagi bino va inshootlarni, shu jumladan, yakka tartibdagi xonadonlar va kichik obyektlarni (do‘konchalar, savdo kiosklari, kichik pavilyonlar va boshqa qurilishlar) qamrab oladi. Muhokamada nazarda tutilgan ko‘p qavatli uylar soni 61 tani tashkil etadi.
Biz tomonimizdan taqdim qilingan javobda umumiy qurilish obyektlari soni ko‘p qavatli uylar soni sifatida keltirilgan. Ushbu xatolik uchun uzr so‘raymiz.
Ommaviy axborot vositalari va ijtimoiy tarmoqlarda mazkur mavzuni yoritayotgan mualliflardan ushbu aniqlashtirishni ham e’tiborga olishlarini iltimos qilamiz.