Qurilish va uy-joy kommunal xoʻjaligi vazirligi hamda uning tizim tashkilotlarida navbatdagi siyosiy-maʼrifat soati oʻtkazildi
2026-10-16 10:20:00 / Vazirlik yangiliklar
21-oktabr — O‘zbek tiliga davlat tili maqomi berilgan kun munosabati bilan o‘tkazilgan ma’naviy-ma’rifiy tadbirda vazirning ma’naviyat va davlat tili masalalari bo‘yicha maslahatchisi U.Boyzoqova ishtirok etib, o‘zbek tilining davlat tili sifatidagi nufuzini oshirish, uning sofligini saqlash, ish yuritishda davlat tili me’yorlariga rioya qilish hamda milliy qadriyatlarimizni asrab-avaylashning ahamiyati haqida so‘z yuritdi.
Shuningdek, sohaviy atamalar jamlangan “Qurilish va uy-joy kommunal xo‘jaligi atamalarining izohli lug‘ati” kitobining amaliy ahamiyatiga to‘xtalib, undagi atamalardan yagona me’yor asosida foydalanish, davlat tilida ish yuritish madaniyatini yuksaltirish hamda qurilish sohasida o‘zbek tilining imkoniyatlaridan keng foydalanishda mazkur lug‘at muhim manba bo‘lib xizmat qilishini ta’kidladi. Tadbir davomida davlat tilini rivojlantirish, xizmat faoliyatida o‘zbek tilining boy imkoniyatlaridan samarali foydalanish har bir xodimning muhim vazifasi ekani qayd etildi.
Ayni paytda bu kabi tadbirlar vazirlikning hududiy boshqarmalari hamda barcha tizim tashkilotlarida tashkil etilmoqda.