Korrupsiyaga qarshi kurashish masalalariga bag‘ishlangan targ‘ibot tadbiri o‘tkazildi
2026-10-07 09:10:00 / Vazirlik yangiliklar
“Qishloqqurilishloyiha” davlat muassasida korrupsiyaga qarshi kurashish masalalariga bag‘ishlangan targ‘ibot tadbiri o‘tkazildi.
Unda Korrupsiyaga qarshi kurashish agentligi mas’ul xodimi J.Fayziyev so‘zga chiqib, qurilish sohasida korrupsiyaga nisbatan murosasiz munosabatni shakllantirish, manfaatlar to‘qnashuvining oldini olish, halollik va shaffoflik tamoyillarini mustahkamlash borasida amalga oshirilayotgan ishlar yuzasidan ma’lumot berib o‘tdi.
Shuningdek, tadbir davomida korrupsiyaviy huquqbuzarliklarning huquqiy oqibatlari, xizmat faoliyatida qonunchilik talablariga qat’iy rioya qilish, davlat mablag‘laridan samarali va maqsadli foydalanish hamda korrupsiyaviy xavf-xatarlarni barvaqt aniqlash va oldini olish masalalariga alohida e’tibor qaratildi.
Tadbir yakunida korrupsiyaga qarshi profilaktik tadbirlarni izchil davom ettirish, xodimlarning huquqiy va korrupsiyaga qarshi bilimlarini oshirish, faoliyatda shaffoflikni ta’minlash hamda korrupsiyaviy holatlarga yo‘l qo‘ymaslik yuzasidan tegishli tavsiyalar berildi.
Ma'lumot o'rnida qayd etish lozimki, Qurilish va uy-joy kommunal xo‘jaligi vazirligi yoki uning tizimidagi tashkilotlarida korrupsion holatlarga duch kelsangiz, bu haqida darhol ishonch telefoni +99871-210-11-04 (1066 — ichki raqamni tering) ga yoki Korrupsiyaga qarshi kurashish agentligi call-markazi – 1253 raqamiga xabar berishingizni so‘raymiz