Fuqarolar qabuli (Ko‘p kvartirali uy-joylarga xizmat ko‘rsatish bilan bog‘liq muammolar)
2026-10-02 13:00:00 / Vazirlik yangiliklar
Vazir o‘rinbosari Ozoda Jo‘rayeva aholini qiynayotgan kommunal masalalar, xususan, ko‘p kvartirali uy-joylarga xizmat ko‘rsatish bilan bog‘liq muammolar yuzasidan fuqarolar qabulini o’tkazmoqda.
Hozirga qadar 10 ga yaqin murojaat qabul qilindi. Ularda asosan boshqaruv organlari faoliyatidan norozilik, amaldagi boshqaruv organini o‘zgartirish, debitor qarzdorlik, ko‘p kvartirali uylarning tom va fasad qismlarini ta’mirlash, uy-joylarni saqlash hamda ularga xizmat ko‘rsatish bilan bog‘liq masalalar ko‘tarilmoqda.
Har bir murojaat bo‘yicha vaziyatni joyida o‘rganish, muammoning sabablarini aniqlash va qonuniy yechimni belgilashga alohida e’tibor qaratilmoqda.
- Fuqarolarning murojaati ortida insonning kundalik hayoti, oilasi va yashash sharoiti turadi. Shuning uchun har bir murojaatga mas’uliyat bilan yondashish, muammoni yuzaki emas, uning asl sabablarini o‘rgangan holda hal etishimiz kerak. Ayniqsa, ko‘p kvartirali uylarni boshqarish va ularga xizmat ko‘rsatishda aholining huquq va manfaatlari ta’minlanishi muhim. Bugun ko‘tarilayotgan masalalar tegishli mutaxassislar bilan birgalikda o‘rganilib, vakolatimiz doirasida amaliy yechim topish choralarini ko‘ramiz, — dedi Ozoda Jo‘rayeva.
Qabul davom etmoqda.