Toshkent shahar qurilish bosh boshqarmasida sohaga oid murojaatlar o‘rganildi
2026-09-15 16:00:00 / Vazirlik yangiliklar
An’anaga muvofiq, bugun ham Toshkent shahar qurilish bosh boshqarmasida sohaga oid murojaatlar o‘rganildi.
Qabul davomida 90 dan ziyod fuqaro va tadbirkorlarning murojaatlari mutaxassislar ishtirokida atroflicha ko‘rib chiqildi.
Murojaatlarda, asosan, qurilish uchun ruxsatnoma olish, yer uchastkalarini xususiylashtirish, bosh rejada belgilangan qizil hududlarga aniqlik kiritish, konservatsiya va renovatsiya hududlaridagi qurilish jarayonlari, qo‘shni hududlardagi qurilishlardan norozilik, loyiha hujjatlaridagi kamchiliklarni bartaraf etish, shuningdek, muhandislik-kommunikatsiya va infratuzilma bilan bog‘liq masalalar ko‘tarildi.
Har bir muammo bo‘yicha mavjud hujjatlar batafsil tahlil qilinib, amaldagi qonunchilik talablari, zarur hujjatlarni rasmiylashtirish tartibi hamda masalalarni hal etishning keyingi bosqichlari yuzasidan murojaatchilarga aniq tushuntirish va huquqiy maslahatlar berildi.
Murojaatlarning aksariyatiga joyida huquqiy tushuntirish berilgan bo‘lsa, qo‘shimcha vakolat va o‘rganishni talab etadigan ayrim masalalar tegishli tashkilotlarga yo‘naltirildi. Shuningdek, bitta murojaat bo‘yicha mutaxassislarning manzilga chiqib, holatni joyida o‘rganishi belgilandi