Nukus shahrida obyektni kogeneratsiya texnologiyalari asosida modernizatsiya qilish boshlangan ishlar
2026-09-11 19:00:00 / Vazirlik yangiliklar
Vazir o‘rinbosari Ozoda Jo‘rayeva Nukus shahriga xizmat safari davomida RK-1 qozonxonasida bo‘lib, obyektni kogeneratsiya texnologiyalari asosida modernizatsiya qilish loyihasi boʻyicha boshlangan ishlar bilan tanishdi.
Mazkur loyihani davlat-xususiy sheriklik shartlari asosida amalga oshirish bo‘yicha kelishuvga erishilgan bo‘lib, investor sifatida Saudiya Arabistoni Podshohligining “Saudi Tabreed” kompaniyasi tanlangan.
Umumiy qiymati 20,3 mln dollar bo‘lgan loyiha doirasida 21,5 MVt elektr va 53 Gkal issiqlik quvvatiga ega kogeneratsiya markazini barpo etish rejalashtirilgan.
Jarayonda loyihaning amalga oshirilish bosqichlari, mavjud imkoniyatlar va kelgusida bajariladigan ishlar muhokama qilindi.