Toshkent shahrida aholining murojaatlarini bevosita yashash hududida o'rganishga qaratilgan ishlar davom etmoqda
2026-09-10 17:00:00 / Vazirlik yangiliklar
Toshkent shahrida aholining qurilish va shaharsozlik sohasidagi murojaatlarini bevosita yashash hududida o'rganishga qaratilgan ishlar davom etmqoda. Navbatdagi sayyor qabul Yangihayot tumanidagi "Tashabbus" MFY binosida bo'lib o'tdi.
Unda Toshkent shahar Qurilish bosh boshqarmasi boshligi o'rinbosari — Bosh muhandis J.Rahimov, Davlat kadastrlari palatasining hududiy boshqarmasi, tuman qurilish bo'limi mutaxassislari ishtirok etdi.
Qabul davomida qurilishlar, kadastr, noqonuniy qurilmalar va bolalar maydonchalari bilan bog‘liq murojaatlar tinglandi. Mutaxassislar tomonidan har bir muammoning kelib chiqish sabablari o‘rganilib, fuqarolarga qonunchilik talablari hamda mavjud yechimlari bo‘yicha tushunchalar berildi.
Joyida o‘rganish zarur bo‘lgan manzillar murojaatchilar bilan birgalikda mutasaddilar tomonidan ko‘zdan kechirilib, kerakli maslahatlar berildi va murojaatlari tegishli tashkilotlarga yuborilishida amaliy ko‘mak berilishi ta’kidlandi.
Qo‘shimcha muddat talab qiladigan masalalar bo‘yicha esa hujjatlar qayta o‘rganilib, yozma ma’lumot taqdim etish yuzasidan ko‘rstmalar berildi.