"Kommunal loyiha ilmiy-tadqiqot instituti” DMda korrupsiyaga qarshi kurashish masalalariga bagʻishlangan yigʻilish boʻlib oʻtdi
2026-08-18 10:30:00 / Vazirlik yangiliklar
Qurilish va uy-joy kommunal xoʻjaligi vazirligi huzuridagi "Kommunal loyiha ilmiy-tadqiqot instituti” DMda korrupsiyaga qarshi kurashish masalalariga bagʻishlangan yigʻilish boʻlib oʻtdi.
Unda Korrupsiyaga qarshi kurashish agentligi masʼul xodimi J.Fayziyev soʻzga chiqib, sohada korrupsiyaga nisbatan murosasiz munosabatni shakllantirish, manfaatlar toʻqnashuvini oldini olish hamda halollik tamoyillarini mustahkamlash boʻyicha amalga oshirilayotgan ishlarni atroflicha tushuntirib berdi.
Shuningdek, korrupsion jinoyatlarning huquqiy oqibatlari hamda xizmat faoliyatida qonunchilik talablariga qatʼiy rioya etish zarurligi yuzasidan alohida ta'kidlandi.
Yigʻilish yakunida korrupsiyaga qarshi profilaktika ishlari samaradorligini oshirish, ichki nazorat mexanizmlarini takomillashtirish hamda belgilangan vazifalarni sifatli va oʻz vaqtida ijrosini taʼminlash boʻyicha masʼul xodimlarga tegishli topshiriqlar berildi.
Ma'lumot uchun, Qurilish va uy-joy kommunal xo‘jaligi vazirligi yoki uning tizimidagi tashkilotlarda korrupsion holatlarga duch kelsangiz, bu haqida darhol ishonch telefoni +99871-210-11-04 (1066 — ichki raqamni tering) ga xabar berishingizni so‘raymiz.