"Ichimlik suvi ta’minoti xizmatini ko‘rsatuvchi NNT faoliyatini yo‘lga qo‘yish" mavzusidagi amaliy o‘quv-trening kursi
2026-07-30 10:10:00 / Vazirlik yangiliklar
2026-yil 26-27-iyul kunlari O‘zbekiston Respublikasi Qurilish va uy-joy kommunal xo‘jaligi vazirligi hamda O‘zbekistonda suv resurslarini boshqarish Milliy loyihasi (III bosqich) hamkorligida tashkil etilgan “Ichimlik suvi ta’minoti xizmatini ko‘rsatuvchi nodavlat notijorat tashkilotlari faoliyatini yo‘lga qo‘yish” mavzusidagi amaliy o‘quv-trening kursining navbatdagi bosqichi Surxondaryo viloyati Qumqo‘rg‘on tumanidagi “Surxondaryo viloyati Bobotog‘ billur suvlari” NNTda bo‘lib o‘tdi.
Ikki kunlik amaliy mashg‘ulotlar davomida ishtirokchilar:
- ichimlik suvi ta’minoti xizmatlarini samarali tashkil etish;
- NNT faoliyatini boshqarish va rivojlantirish;
- suv ta’minoti tizimlaridan foydalanish hamda ularga texnik xizmat ko‘rsatish;
- moliyaviy barqarorlikni ta’minlash va hisob-kitoblarni yuritish;
- iste’molchilar bilan samarali hamkorlikni yo‘lga qo‘yish bo‘yicha amaliy bilim va ko‘nikmalarini mustahkamladilar.
Treninglarning asosiy maqsadi ichimlik suvi ta’minoti xizmatlarini ko‘rsatuvchi nodavlat notijorat tashkilotlarining institutsional salohiyatini oshirish, xizmatlar sifatini yaxshilash hamda aholini barqaror va sifatli ichimlik suvi bilan ta’minlashga ko‘maklashishdan iborat.