Uchko‘prik tumanida ko‘p qavatli uylar hududi obod va xavfsiz maskanga aylanmoqda
2026-08-04 15:00:00 / Vazirlik yangiliklar
Uchko‘prik tumani "Bog‘i bo‘ston" mahallasi hududida 60 ta ko‘p qavatli turar joy mavjud bo‘lib, ularga “Texno green” boshqaruv servis kompaniyasi tomonidan xizmat ko‘rsatib kelinmoqda.
Tuman hokimligi hamda Qurilish va uy-joy kommunal xo‘jaligi bo‘limi tashabbusi bilan aholi uchun qulay va munosib turmush sharoitlarini yaratish maqsadida hududda keng ko‘lamli obodonlashtirish ishlari amalga oshirildi. Jumladan:
🔹 4 ta ko‘p qavatli uyning fasad qismi mukammal ta’mirlandi;
🔹 13 ta kirish yo‘lagi obodonlashtirildi;
🔹 5 ta bolalar maydonchasi tashkil etildi;
🔹 10 ming kvadrat metr trotuar va avtoturargoh maydonlari betonlashtirildi;
🔹 60 ta tashqi yoritish uskunasi o‘rnatildi;
🔹 fuqarolar dam olishi uchun 25 ta o‘rindiq joylashtirildi.
Shuningdek, 11 ta ko‘p qavatli uyning sug‘orish tizimi to‘liq yangilanib, 2 ming pogon metr plastik quvur tortildi. Hududni “Xavfsiz hudud” tamoyili asosida tashkil etish maqsadida zamonaviy kuzatuv kameralarini o‘rnatish ishlari ham olib borilmoqda.
Amalga oshirilayotgan ishlar "Bog‘i bo‘ston" mahallasini yanada obod, ko‘rkam, xavfsiz va aholi uchun qulay hududga aylantirishga xizmat qilmoqda.