Hisob palatasida “Shaffof qurilish” milliy axborot tizimi faoliyatini yanada takomillashtirish masalalariga bag‘ishlangan yig‘ilish bo‘lib o‘tdi
2026-05-19 11:30:00 / Vazirlik yangiliklar
Hisob palatasida davlatimiz rahbarining PF-100-son Farmoni ijrosini taʼminlash hamda “Shaffof qurilish” milliy axborot tizimi faoliyatini yanada takomillashtirish masalalariga bag‘ishlangan yig‘ilish bo‘lib o‘tdi.
Unda Qurilish va uy-joy kommunal xo‘jaligi vazirligining Ichki audit xizmati bo'limi, Pudrat bozori hamda tender, reyting va buyurtmachi tizimini rivojlantirish boshqarmasi, Axborot-kommunikatsiya texnologiyalarini rivojlantirish Respublika markazi masʼullari ishtirok etdi.
Yig‘ilish davomida “Shaffof qurilish” milliy axborot tizimi orqali qurilish sohasidagi jarayonlarni raqamlashtirish, maʼlumotlar shaffofligini taʼminlash, nazorat mexanizmlarini takomillashtirish hamda tizim imkoniyatlarini kengaytirish masalalari muhokama qilindi.
▪️Shuningdek, sohada axborot texnologiyalaridan samarali foydalanish, maʼlumotlar almashinuvini yanada takomillashtirish va tizimning samaradorligini oshirish bo‘yicha fikr-mulohazalar bildirildi.