Vazirlik xotin-qizlari sport musobaqalarida ishtirok etmoqda
2026-03-14 14:00:00 / Vazirlik yangiliklar
Vazirlar Mahkamasining “Ayollarni e’zozlash” oyligi doirasida vazirlik va idoralarda faoliyat yuritayotgan xotin-qizlar o‘rtasida “Sport nafislik va salomatlik manbai” shiori ostida sport musobaqalari boshlandi.
Mazkur musobaqada Qurilish va uy-joy kommunal xo‘jaligi vazirligi xodimalari ham faol ishtirok etmoqda. Bellashuvlar shaxmat, shashka hamda stol tennisi yo‘nalishlari bo‘yicha o‘tkazilmoqda.
Ushbu musobaqalar xotin-qizlar o‘rtasida sog‘lom turmush tarzini keng targ‘ib etish, jamoalarda sport madaniyatini rivojlantirish hamda hamjihatlik muhitini mustahkamlashga xizmat qiladi.