“Rahbar va yoshlar” uchrashuvi samimiy muloqot va yangi tashabbuslarga boy bo‘ldi
2026-01-30 20:00:00 / Vazirlik yangiliklar
Tadbir davomida talabalar tomonidan qurilish sohasiga sun’iy intellekt texnologiyalarini joriy etish, yoshlar o‘rtasida innovatsion loyihalar tanlovlarini tashkil etish, shuningdek, vertikal yashil panellar kabi zamonaviy va ekologik loyiha ishlanmalari bo‘yicha qator taklif va tashabbuslar ilgari surildi.
Vazir o‘rinbosari Ozoda Jo‘rayeva talabalar tomonidan bildirilgan har bir g‘oya va loyiha vazirlik tomonidan qo‘llab-quvvatlanishini ta’kidlab, soha rivojiga zamonaviy nafas olib kirayotgan, yangilikka intiluvchan yoshlar bilan faxrlanishini bildirdi.
Vazirlik va institut oʻrtasida kelgusida ham hamkorlik loyihalarini amalga oshirish, faol yoshlar bilan mustahkam aloqa oʻrnatishga kelishib olindi.
Tadbir so‘ngida eng ilg‘or va istiqbolli g‘oyalarni taqdim etgan yoshlarga Qurilish va uy-joy kommunal xo‘jaligi vazirligi tomonidan esdalik sovg‘alari topshirildi.
Bunday uchrashuvlar yoshlarning tashabbuslarini qo‘llab-quvvatlash, ularning salohiyatini ro‘yobga chiqarish va mamlakatimiz taraqqiyotida faol ishtirok etishini ta’minlashga xizmat qilmoqda.