DXSh bo‘yicha 2024-yil I choragida erishilgan natijalar
2024-04-15 16:20:00 / Vazirlik yangiliklari
Joriy yilning I choragi davomida vazirlik va idoralar bilan hamkorlikda umumiy qiymati 285,8 mln dollar boʻlgan 25 ta DXSh loyihasi boʻyicha bitimlar imzolandi.
Jumladan, Yevropa tiklanish va taraqqiyot banki maslahat koʻmagida qiymati 262,65 mln dollar boʻlgan Qoraqalpogʻiston Respublikasida 100 MVt elektr energiyasini saqlash tizishiga ega 200 MVt shamol elektr stansiyasini qurish va boshqarish loyihasi boʻyicha Saudiya Arabistonining “ACWA Power” kompaniyasi tender gʻolibi deb topildi hamda DXSh toʻgʻrisidagi bitim imzolandi.
Shuningdek, suv xoʻjaligi sohasida umumiy qiymati 0,55 mln dollar boʻlgan 10 ta, taʼlim sohasida umumiy qiymati 20,46 mln dollar boʻlgan 9 ta hamda madaniyat sohasida umumiy qiymati 2,14 mln dollar boʻlgan 5 ta loyiha yuzasidan bitimlar rasmiylashtirildi.
Bundan tashqari, joriy yilning 29-fevral kuni “O‘zbekiston – 2030” strategiyasida DXShni rivojlantirish maqsadlari bo‘yicha Xalqaro DXSh davra suhbati o‘tkazildi. Mazkur davra suhbatida sohaga oid 5 ta hujjat imzolandi hamda 200 dan ortiq xorijiy investorlar, Xalqaro moliya institutlari hamda banklar vakillari hamda respublikaning vazirlik va idoralari xodimlari ishtirok etdi.
Shu bilan birga, joriy yilning 2-mart kuni Iqtisodiyot va moliya vazirligi hamda Yevropa tiklanish va taraqqiyot banki o‘rtasida “O‘zbekistonda davlat-xususiy sheriklik loyihalarini ishlab chiqish jamg‘armasi”ni tashkil etish bo‘yicha 10 mln yevro miqdoridagi qarz shartnomasi hamda Hamkorlik bitimi imzolandi.
Iqtisodiyot va moliya vazirligi
Axborot xizmati