O‘zbekiston Respublikasi Iqtisodiyot va moliya vazirligi

Davra suhbati hukumat tomonidan qo‘yilgan dolzarb maqsad va vazifalar, xalqaro moliya institutlarining tavsiyalari va DXSh qonunchiligiga kiritilgan joriy o‘zgarishlardan kelib chiqib DXSh sohasining O‘zbekistondagi o‘zgaruvchan ehtiyojlarini hisobga olgan holda tashkil etildi. Tadbir DXSh loyihalari uchun yangi sektorlarni aniqlash bo‘yicha har tomonlama fikr almashish, g‘oyalar va strategiyalarni ilgari surdi, bunda DXSh loyihalarining samaradorligini oshirish va raqamlashtirishni rivojlantirishga alohida e’tibor qaratildi.

Asosiy ma’ruzachilar va sessiyalar

Davra suhbati davomida mamlakatimizning davlat-xususiy sheriklik yo‘nalishidagi salmoqli yutuqlari qayd etildi. Jumladan, 2022-yildan DXSh kelishuvlari soni 312 tadan 1018 taga, qiymati esa jami 17 milliard AQSh dollariga yetdi.

“O‘zbekiston – 2030” strategiyasida aholi jon boshiga YIM va daromadni sezilarli darajada oshirishga qaratilgan ulkan maqsadlar alohida ta’kidlandi. Davlat-xususiy sheriklik davlat xizmatlarini ko‘rsatishni takomillashtirish uchun 2030-yilga qadar 30 milliard AQSh dollarini safarbar qilishning asosiy vositasi hisoblanadi. Bundan tashqari, turli sohalarda DXSh loyihalarini ishlab chiqish va ushbu loyihalarni tayyorlash mexanizmini yaratish bo‘yicha sa’y-harakatlar qayd etildi. Shuningdek, xususiy sektor investitsiyalarini jalb qilish uchun me’yoriy-huquqiy va institutsional bazani ishlab chiqish muhimligi ta’kidlandi.

Muhokama davomida DXSh dasturining moliyaviy barqarorligini ta’minlash va DXShning iqtisodiy o‘sishini rag‘batlantirishning eng muhim omili sifatida mamlakatning iqtisodiy strategiyasiga integratsiya qilish uchun mustahkam fiskal bazaga ehtiyoj mavjudligi ta’kidlandi.

Tadbirda nufuzli xalqaro tashkilotlardan ma’ruzachilar ishtirok etdi va keng ko‘lamli mavzularni qamrab oldi, jumladan, hukumatning qarashlari, xalqaro moliya institutlarining fikr-mulohazalari va loyihalarni amalga oshirishni jadallashtirish bo‘yicha g‘oyalar, hukumatning islohotlar va siyosatni takomillashtirishga sodiqligini namoyish etildi.

Natijalar va kelajak uchun yo‘nalishlar

Davra suhbati 2030-yilda belgilangan strategik maqsadlarga erishish uchun O‘zbekiston DXSh dasturini mustahkamlash muhimligi yuzasidan konsensus bilan yakunlandi. Ishtirokchilar davlat va xususiy sektor o‘rtasidagi hamkorlikni davom ettirish, DXSh loyihalarini tayyorlash uchun moliyaviy resurslardan foydalanishni yaxshilash va ular uchun yanada qulay me’yoriy-huquqiy muhitni yaratish zarurligini ta’kidladi.

O‘zbekiston Respublikasi Iqtisodiyot va moliya vazirligi ishonchli hamda barqaror DXSh loyihalarini ishlab chiqishni rag‘batlantirish maqsadida davra suhbatida olingan g‘oya va tavsiyalarni hayotga tatbiq etish niyatida. Ushbu tashabbus mamlakatimizning samarali davlat-xususiy sheriklik orqali iqtisodiy o‘sishini, innovatsiyalarni va infratuzilmani rivojlantirishga intilishidan dalolatdir.

Yakunda mazmunli muhokamalar va taqdimotlardan so‘ng O‘zbekistonni rivojlantirishning strategik maqsadlariga erishish yo‘lida salmoqli qadam qo‘yilganidan dalolat beruvchi qator muhim shartnomalar imzolandi.

Iqtisodiyot va moliya vazirligi

Axborot xizmati