“Mahalla tashabbuskori” tanlovi oʻtkaziladi
2024-03-20 15:15:00 / Vazirlik yangiliklari
Siz Iqtisodiyot va moliya vazirligi tomonidan tashkil etilayotgan “Mahalla tashabbuskori” tanlovida ishtirok etishingiz mumkin.
Tanlov shartlari:
1-shart: Siz “Tashabbusli budjet” jarayonining joriy yilgi 1-mavsumi doirasida “Ochiq budjet” axborot portalida ro‘yxatdan o‘tgan holda o‘z loyihangizni ilgari surgan bo‘lishingiz va ushbu loyiha saralash bosqichidan muvaffaqiyatli o‘tgan bo‘lishi lozim.
2-shart: Portaldan ro‘yxatdan o‘tishda “kasb” maydoniga “mahalla raisi”, “mahalla yettiligi a’zosi” yoki “talaba” so‘zlarini kiritgan bo‘lishingiz** yoki ovoz berish bosqichi yakuniga qadar portaldagi shaxsiy kabinet bo‘limi orqali kasb ma’lumotlarini tahrirlash orqali tuzatish kiritib qo‘yishingiz lozim.
3-shart: Ovoz berish bosqichi yakunlari bo‘yicha (4-aprel 23:59 holatiga) “kasb” maydoniga “mahalla raisi”, “mahalla yettiligi a’zosi” yoki “talaba” sifatida loyiha kiritgan barcha loyihalar orasidan eng ko‘p ovoz to‘plagan:
10 nafar mahalla raisi;
10 nafar mahalla yettiligi a’zosi*;
10 nafar talaba g‘olib deb topiladi.
Tanlovda g‘olib bo‘lgan 30 nafar fuqaro Iqtisodiyot va moliya vazirligi tomonidan noutbuk qurilmasi bilan taqdirlanadi.
*Ma’lumot uchun, mahalla raisi va mahalla yettiligi a’zolari xaqiqatan ham ushbu lavozimlarda faoliyat yuritishi yuzasidan O‘zbekiston Mahalla uyushmasi orqali aniqlik kiritiladi.
**“Mahalla raisi”, “mahalla yettiligi a’zosi” yoki “talaba” so‘zlari quyidagi ko‘rinishda yozilishi lozim:
O‘zbekchada: “mahalla raisi”, “mahalla yettiligi a’zosi” yoki “talaba”.
Ўзбекчада (кирилл): “маҳалла раиси”, “маҳалла еттилиги аъзоси” ёки “талаба”.
Qoraqalpoq tilida: “Мәҳәлле ақсақалы”, “мәҳәлле жетилиги ағзасы” яки “студент (оқыўшы)”.
Рус тилида: “председатель махалли”, “член махалли” или “студент”.
Iqtisodiyot va moliya vazirligi
Axborot xizmati