Jumladan:

• Qishloq xo‘jaligi mahsulotlari ishlab chiqarish 4 % ga;
• O‘rmon xo‘jaligi – 3,1% ga;
• Baliqchilik esa 9% ga o‘sdi.

Dehqonchilik mahsulotlari ishlab chiqarish o‘sishi 4,8% ni tashkil etdi.

Xususan:

• Don mahsulotlari – 4,5%;
• Sabzavot – 3,8%;
• Kartoshka – 3,4%;
• Poliz – 8,3%;
• Meva – 6,6%;
• Uzum – 7,8%.

Chorvachilik mahsulotlari ishlab chiqarish esa 3,5% ga oshdi:

• Go‘sht – 3,6%;
• Sut – 2,9%;
• Tuxum – 8,2% ga o‘sdi.

Qishloq xo‘jaligida yuqori iqtisodiy o‘sish sur’atlarini ta’minlashning asosiy omillari quyidagilar bo‘ldi:

1. 2024-yilda 4,4 ming gektar (jumladan 2,5 ming ga pomidor, 973 ga bodring, 145 ga shirin qalampir, 33 ga baqlajon, 550 ga limon, 40 ga qulupnay, 66 ga ko‘katlar va 100 ga maydonda boshqa ekinlar) issiqxonalar uchun qishloq xo‘jaligi ekinlari ekilgan bo‘lib, 2024-yil oktyabr oyidan 2025-yilning may oyigacha 430 ming tonnadan ortiq hosil olingan.
2. Hisob-kitoblarga ko‘ra, 2024-yilda “to‘qsonbosti” usuli bilan 150 ming gektar maydondan 2025-yil mart-may oylarida 2,7 million tonna ertaki sabzavot mahsulotlari yetishtirilgan.
3. 2024-yilda chorvachilik dasturlari doirasida amalga oshirilgan 2,4 trillion so‘mlik 921 ta loyihalar (24,3 ming bosh qoramol, 62,3 ming bosh mayda shoxli qoramol, 484 bosh yilqichilik, 176 bosh tuya, 236,9 million bosh parranda, 14,8 ming bosh quyon boqish hamda 14,8 ming asalari oilasi, 31,1 ming tonna go‘sht va sutni qayta ishlash, 8,8 ming tonna omuxta yem ishlab chiqarish quvvatlari tashkil qilish) hisobiga chorvachilik mahsulotlari ishlab chiqarish ko‘rsatkichlari o‘sdi.
4. 2025-yilga mo‘ljallangan chorvachilik dasturlari doirasida bugungi kungacha jami 923,1 milliard so‘mlik 340 ta loyiha (yillik rejaga nisbatan 31%) amalga oshirilib, 10,3 ming bosh qoramol, 18,6 ming bosh mayda shoxli qoramol, 343 bosh yilqichilik, 163 bosh tuya, 2,3 million bosh parranda, 4,4 ming bosh quyon boqish hamda 953 tonna baliq yetishtirish, 1,4 ming asalari oilasi, 41 ming tonna go‘sht va sutni qayta ishlash hamda 1,2 ming tonna omuxta yem ishlab chiqarish quvvatlari tashkil etildi.
5. Iqtisodiyot va moliya vazirligi huzuridagi Qishloq xo‘jaligini davlat tomonidan qo‘llab-quvvatlash jamg‘armasi tomonidan 2025-yil I yarim yilligida asosiy qishloq xo‘jaligi ekinlarini yetishtirishni moliyalashtirish uchun jami 9,1 trillion so‘m imtiyozli resurslar tijorat banklari orqali qishloq xo‘jaligi mahsulotlari ishlab chiqaruvchilariga ajratildi.

Shundan:

• G‘alla hosilini yetishtirishga 1,6 trillion so‘m,
• Paxta yetishtirishga 7,5 trillion so‘m,
• Meva-sabzavot mahsulotlari uchun 34,5 milliard so‘m kredit resurslari ajratildi.

Iqtisodiyot va moliya vazirligi

 Axborot xizmati