Milliy libos – milliy faxr: Iqtisodiyot va moliya vazirligi xodimlari milliy liboslarda ish joylariga tashrif buyurdi
2025-04-11 21:50:00 / Vazirlik yangiliklari
Milliy qadriyatlarimizni e’zozlash, tarixiy merosimizni asrash va uni zamonaviy jamiyatga uyg‘unlashtirish maqsadida joriy yilning 11-aprel kuni Milliy liboslar kuni munosabati bilan Iqtisodiyot va moliya vazirligi xodimlari o‘z ish joylariga o‘zbek an’anaviy milliy liboslarida tashrif buyurdi.
Mazkur tashabbus o‘zbek xalqining boy madaniyati, urf-odatlari va milliy merosiga hurmat ruhida o‘tdi. Xodimlar atlas va adras matolaridan tikilgan liboslar, do‘ppi, turli hududlarga xos bezakli kiyimlar bilan ishtirok etib, milliylik va zamonaviylik uyg‘unligini namoyon etdi.
Iqtisodiyot va moliya vazirligi
Axborot xizmati