O‘zbekiston Respublikasi Iqtisodiyot va moliya vazirligi

Tomonlar o‘rtasida bo‘lib o‘tgan uchrashuvda O‘zbekiston Respublikasining moliya bozoriga bo‘lgan xalqaro investorlarning qiziqishi va mamlakatda amalga oshirilishi rejalashtirilayotgan islohotlar muhokama qilindi.

Uchrashuv davomida O‘zbekiston hukumati tomonidan olib borilayotgan bozor islohotlari, xususan, kapital bozorini rivojlantirish hamda xorijiy investorlar uchun qulay investitsion muhit yaratish bo‘yicha ko‘rilayotgan chora-tadbirlar yuzasidan batafsil ma’lumot berildi.

“Raiffeisen Bank International” vakillari O‘zbekiston bozoriga bo‘lgan yuqori qiziqishni qayd etib, bankning mintaqaviy moliyaviy institut sifatidagi tajribasi asosida moliya bozori ishtirokchilari bilan hamkorlik qilishga tayyor ekanliklarini bildirishdi.

Uchrashuv yakunida xorijiy investorlarni ichki moliya bozoriga jalb qilish yuzasidan tegishli infratuzilmani yo‘lga qo‘yish bo‘yicha hamkorlikni davom ettirishga kelishildi.

Iqtisodiyot va moliya vazirligi

Axborot xizmati