Iqtisodiyot va moliya vazirligi tizimi xodimlari futbol musobaqasida bellashdi
2025-05-19 21:25:00 / Vazirlik yangiliklari
Bellashuvda respublika bo‘ylab turli hududiy boshqarmalar va markaziy apparat jamoalari ishtirok etdi. Musobaqa jarayonida sportga bo‘lgan qiziqish, sog‘lom raqobat va yuksak jamoaviylik kayfiyati hukm surdi.
Natijalarga ko‘ra, Jizzax viloyati Iqtisodiyot va moliya boshqarmasi jamoasi musobaqaning mutlaq g‘olibiga aylandi. Markaziy apparat jamoasi ikkinchi o‘rinni egallagan bo‘lsa, Sirdaryo viloyati Iqtisodiyot va moliya boshqarmasi jamoasi faxrli uchinchi o‘rinni qo‘lga kiritdi.
Musobaqa ishtirokchilariga diplom va esdalik sovg‘alari topshirildi. Tadbir yakunida sog‘lom hayot tarzini ommalashtirish, xodimlar o‘rtasida sportni qo‘llab-quvvatlash va do‘stona aloqalarni mustahkamlash bo‘yicha bunday tashabbuslar muntazam davom ettirilishi ta’kidlandi.
Iqtisodiyot va moliya vazirligi
Axborot xizmati