Jahon bankining boshqaruv va davlat sektori bo‘yicha eksperti bilan uchrashuv bo‘lib o‘tdi
2025-04-04 16:40:00 / Vazirlik yangiliklari
Uchrashuvda hududlarni kompleks rivojlantirish, yuqori iqtisodiy o‘sishga erishish, tadbirkorlikni qo‘llab-quvvatlash orqali aholi bandligini ta’minlash va daromadlarini oshirish borasida davom ettirilayotgan keng ijtimoiy-iqtisodiy islohotlar yuzasidan fikr almashildi.
Shuningdek, bu borada mahalliy hokimliklarning roli va mas’uliyatini oshirish maqsadida mahalliy ijro hokimiyati organlarining namunaviy tuzilmasini ishlab chiqishda hamkorlik rejalarni muhokama qilindi.
Kay Kayzer Jahon banki O‘zbekiston bilan hamkorlikni davom ettirish, mahalliy ijro hokimiyati organlarining namunaviy tuzilmasini ishlab chiqishda hamkorlik qilish va bu borada islohotlarni qo‘llab-quvvatlashga tayyorligini bildirdi.
Iqtisodiyot va moliya vazirligi
Axborot xizmati