Markaziy Osiyo Sun’iy intellekt assotsiatsiyasi vakillari bilan hamkorlik yo‘nalishlari yuzasidan fikr almashildi
2025-03-12 20:30:00 / Vazirlik yangiliklari
Ma’lumot uchun: Markaziy Osiyo Sun’iy Intellekt Assotsiatsiyasi (AICA) - Markaziy Osiyo mintaqasida sun’iy intellekt (SI) sohasini rivojlantirish, mutaxassislar va tadbirkorlarni qo‘llab-quvvatlash, innovatsion ekotizim yaratish maqsadida tashkil etilgan xalqaro platforma.
Muloqot davomida tomonlar o‘zaro hamkorlik yo‘nalishlari, jumladan, sun’iy intellekt texnologiyalarini iqtisodiyotga joriy etish, davlat boshqaruvida raqamli innovatsiyalarni kengaytirish va IT-ekotizimni rivojlantirish boʻyicha hamkorlik istiqbollari muhokama qilindi. Xususan, iqtisodiy jarayonlarni optimallashtirish, moliyaviy tahlillarni avtomatlashtirish va sun’iy intellekt vositasida samarali boshqaruv tizimlarini ishlab chiqish masalalariga alohida e’tibor qaratildi.
Mazkur uchrashuv sun’iy intellekt sohasidagi ilgʻor tajribalarni oʻrganish va Oʻzbekistonda raqamli transformatsiyani jadallashtirishga qaratilgan sa’y-harakatlarning muhim qismi boʻldi.
Muzokaralar yakunida tomonlar kelgusida o‘zaro hamkorlik aloqalarini rivojlantirish va innovatsion texnologiyalarni iqtisodiyot tarmoqlariga integratsiya qilishda samarali faoliyat olib borishga kelishib oldi.
Iqtisodiyot va moliya vazirligi
Axborot xizmati