O‘zbekiston Respublikasi Iqtisodiyot va moliya vazirligi

Shundan buxgalteriya hisobi sohasidagi xalqaro tashkilotning akkreditatsiyasidan oʻtgan oʻquv markazlari tomonidan MHXS boʻyicha (buxgalterlarni xalqaro sertifikatlash doirasida “MHXS boʻyicha moliyaviy hisobot”, “Xalqaro moliyaviy hisobot boʻyicha diplom (DipIFR ACCA)” kurslari va boshqalar) oʻqitilgan 1579 nafar talabgorning 5 631,1 mln soʻm oʻqitish xarajatlari qoplab berilgan. Shundan 1449 nafari talaba va bitiruvchilar, 115 nafari Oliy taʼlim muassasalarining “Buxgalteriya hisobi” va “Audit” fanlari boʻyicha pedagog kadrlari, 17 nafari davlat organi xodimlaridan iborat.

Oʻquv kurslari kesimida tahlil qilinganda, 1420 nafar talabgorning “MHXS boʻyicha moliyaviy hisobot” fani boʻyicha, 122 nafar talabgorning “Audit va ishonch bildirish xizmatlari” fani boʻyicha, 37 nafar talabgorning “Xalqaro moliyaviy hisobot boʻyicha diplom (DipIFR ACCA)” fani boʻyicha oʻqitish xarajatlari qoplab berilgan (2-diagramma).

Shuningdek, bugungi kunga qadar buxgalterlarni xalqaro sertifikatlash doirasida imtihon topshirish xarajatlarini qoplash yuzasidan talabgor tomonidan kelib tushgan arizalarning 1272 tasi boʻyicha 2 167,7 mln soʻm xarajatlar qoplab berilgan. Mazkur arizalarning 1237 tasi talaba va bitiruvchilar, 11 tasi oliy taʼlim muassasalarining “Buxgalteriya hisobi” va “Audit” fanlari boʻyicha pedagog kadrlari, 24 tasi davlat organi xodimlari tomonidan taqdim qilingan.

Moliyaviy hisobotning xalqaro standartlari boʻyicha oʻqitish va imtihon topshirish xarajatlarini qoplab berish amaliyoti natijasida bugungi kunga qadar 384 nafar talabgor imtihonlarni muvaffaqiyatli topshirgan. Shundan 318 nafari “MHXS boʻyicha moliyaviy hisobot” fani boʻyicha, 54 nafari “Audit va ishonch bildirish xizmatlari” fani boʻyicha va 12 nafari “Xalqaro moliyaviy hisobot boʻyicha diplom (DipIFR ACCA)”fani boʻyicha imtihonlarni muvaffaqiyatli topshirgan.