Saudiya Arabistonida Rivojlanayotgan mamlakatlar muloqoti konferensiyasining ochilish marosimi boʻlib oʻtdi
2025-02-17 15:32:00 / Vazirlik yangiliklari
Konferensiyaning rasmiy ochilish marosimi Saudiya Arabistoni Moliya vaziri Muhammad Aljadan hamda XVJ bosh direktori Kristalina Georgiyevaning kirish soʻzlari bilan boshlandi. Tadbirning asosiy mavzusi “Barqaror oʻsish: Oʻzgaruvchan dunyoda chidamlilikni shakllantirish” boʻlib, unda global iqtisodiy tendensiyalar va rivojlanayotgan bozor iqtisodiyotlari duch kelayotgan asosiy muammolar muhokama qilindi.
Shuningdek, rivojlanayotgan davlatlar uchun xalqaro moliya institutlari bilan yaqin hamkorlik qilish, davlat qarzini samarali boshqarish va makroiqtisodiy barqarorlikni ta’minlash kabi masalalarning dolzarbligini ta’kidlanib, bunday konferensiyalar mintaqaviy va global hamkorlikni mustahkamlash uchun muhim platforma ekani aytib o‘tildi.
Ochilish marosimidan soʻng tadbir global iqtisodiy oʻzgarishlar va ularning rivojlanayotgan davlatlarga ta’siri, moliya siyosati va investitsiyalar, davlat qarzi barqarorligi kabi dolzarb masalalarga bagʻishlangan sessiyalar bilan davom etmoqda.
Iqtisodiyot va moliya vazirligi
Axborot xizmati