O‘zbekiston Respublikasi Iqtisodiyot va moliya vazirligi

Uchrashuvda Fransiya taraqqiyot agentligining Toshkentdagi vakolatxonasi rahbari o‘rinbosari Antoine Chevalier, Xalqaro darajadagi strategik maslahatchi va iqtisodiy rivojlanish bo‘yicha ekspert Adamas Ilkevičius, “O‘zbekiston temir yo‘llari” AJ Transformatsiya ofisi rahbari Oybek Karimov va boshqa mas’ul vakillar ishtirok etdi.

Muloqot davomida tomonlar mamlakatimizda transport infratuzilmasini rivojlantirish hamda amalga oshirilayotgan iqtisodiy jarayonlarni muhokama qildi.

        Xususan:

·       Transport sohasini yanada rivojlantirish – temir yo‘l transporti sohasida zamonaviy loyihalarni amalga oshirish, yangi infratuzilmaviy loyihalarni shakllantirish hamda jahonning ilg‘or va muvaffaqiyatli tajribalarini joriy etish;

·       Davlat-xususiy sheriklik asosidagi loyihalar – transport, jumladan, yo‘llar qurilishi, sog‘liqni saqlash va ta’lim sohasida amalga oshirilayotgan loyihalar va ularning natijalari;

·       Yashil transformatsiya jarayonlari – energiya samaradorlikni oshirish, tejamkor va qayta tiklanuvchi energiya manbalaridan kengroq foydalanish, zamonaviy va yashil texnologiyalar asosida issiqlik ta’minoti tizimini shakllantirish, jumladan, isitish nasoslaridan foydalanish;

·       Hududlarni barqaror rivojlantirish – hududlarda transport infratuzilmasini takomillashtirish, hududlarni ijtimoiy-iqtisodiy jihatdan rivojlantirish maqsadida ishlab chiqilayotgan master-rejalar va ularni amalga oshirish jarayonlariga alohida to‘xtalib o‘tildi.

Muzokaralar yakunida tomonlar o‘zaro hamkorlik aloqalarini rivojlantirish va mustahkamlash hamda belgilangan maqsadlarga erisishda tizimli va samarali faoliyat olib borishga kelishib oldi.

Iqtisodiyot va moliya vazirligi

Axborot xizmati