Uels ta’lim bo‘yicha hamkorlik modelini o‘rganish yuzasidan Buyuk Britaniyaning Uels davlatiga tashrif amalga oshirildi
2024-12-13 16:15:00 / Vazirlik yangiliklari
“WEP” Uels hukumatining «21 asr maktablari» dasturining bir qismi bo’lib, ushbu dastur asosida umumiy taʼlim maktablarini samarali rejalashtirish, moliyalashtirish, zamonaviy dizaynlashtirish, malakali quruvchilarni jalb qilish, qurish, 25-30 yil saqlash va davlatga qaytarish faoliyatini amalga oshirib keladi.
Uchrashuvlar davomida WEP modelining kelib chiqishi, davlat uchun afzalliklari, Uels hukumati tomonidan ta’lim sohasida qilingan siyosat yo’nalishlari va bunda WEPning o’rni hamda ushbu modelni O’zbekiston sharoitlariga moslashtirish masalalari muhokama qilindi.
Shuningdek, WEP mexanizmida amalga oshirilgan DXSh loyihalari tuzilishi, modeli, ishlash mexanizmi va moliyalashtirish shartlari oʻrganilib, qurilish jarayonida boʻlgan va faoliyat yuritayotgan DXSh maktablariga tashrif buyurildi.
Takidlash joizki, “Meridiam” kompaniyasi ijtimoiy infratuzilma loyihalariga ixtisoslashgan jahon miqyosidagi investitsiya va aktivlar boshqaruvchisi boʻlib, Uelsda WEP modeli asosida tashkil qilingan maktablar loyihasi dunyo miqyosida taʼlim infratuzilmasini rivojlantirish va boshqarishda xususiy sektorning tajribasini davlat nazorati bilan samarali uygʻunlashtirish boʻyicha innovatsion yondashuv sifatida tan olingan.
Iqtisodiyot va moliya vazirligi
Axborot xizmati